NCIB მოდელის Sun Shine ტელეფონი
მობილური ტელეფონის მოდელი Sun Shine იტენება მზის ენერგიით. ეს არის ის განსაკუთრებული თვისება, რის მიხედვითაც უნდა აიგოს გაყიდვების სტრატეგია.
ტელეფონს აქვს მაღალი გასაყიდი ფასი 3399 ლარი – რაც ხელმისაწვდომი იქნება მხოლოდ მაღალი შემოსავლის მქონე პირთათვის.
მზის ბატარეა მობილური ტელეფონისთვის ნაკლებად პრაქტიკულია, რადგან მისი დატენვა ხდება მხოლოდ მზეზე. ამიტომ პროდუქტის პოზიციონირება უნდა მოხდეს ისე, რომ იგი სასურველი გახდეს მომხმარებლისთვის იმიჯის თვალსაზრისით.
ძირითად პოტენციურ მომხმარებლებად უნდა განვიხილოთ ორი კატეგორიის ადამიანები:
- მაღალი შემოსავლის მქონე პირები,რომელთათვისაც Sun Shine მოდელის ტელეფონი იმიჯის ნაწილი იქნება
- პირები და ორგანიზაციები – რომლებიც დაკავშირებულნი არიან ეკოლოგიასთან, გარემოს დაცვასთან და დიდი დროს ატარებენ ბუნებაში (ტურების ორგანიზატორები,მოგზაურები).
I სეგმენტი – მაღალი შემოსავლის მქონე პირები
იმისათვის, რათა მოხდეს აღნიშნული სეგმენტის დაინტერესება ჩვენი პროდუქტით, უნდა მოვახდინოთ მათი ფსიქოლოგიური ფაქტორებით მანიპულირება. ასეთი ტიპის ხალხისათვის მნიშვნელოვანი ადგილი უკავია იმიჯსა და რეპუტაციას, რაც თავის მხრივ იწვევს ბრენდებთან განსაკუთრებულ დამოკიდებულებას. იმისათვის, რომ მათ შეიძინონ ჩვენი პროდუქტი – გარდა მობილური ტელეფონისა, მათ წილად უნდა ხვდეთ გარკვეული სტატუსი, რაც შეესაბამება მათ იმიჯს.
NCIB სტატუსი – ვინადიან ჩვენი ტელეფონის განსაკუთრებული თვისება მზის ბატარეაა, უნდა ვაქციოთ ეს შტრიხი განსაკუთრებულ სტატუსად. მზის ენერგია ეს არის ალტერნატიული ენერგიის წყარო. ეს არის განახლებადი ენერგია, რომელიც ეკოლოგიურად აბსოლიტურად სუფთაა და არ აყენებს ზიანს გარემოს.
ბოლო პერიოდში განსაკუთრებით აქტუალური გახდა გარემოს დაცვა, ბრძოლა ეკოლოგიისთვის. მსოფლიოს დასავლეთ ნაწილში ბევრმა მსხვილმა კორპორაციამ დაიწყო ეკოლოგიურად სუფთა პროდუქტის გამოცემა ,,ჯანმრთელ გარემოზე ზრუნვის“ მოტივით (ფეხსაცმელები, მობილური ტელეფონი, ა/მანქანა).
შესაბამისად, NCIB მობილური ტელეფონიც ეკოლოგიურია. მისმა მყიდველმა კი შესაძლოა ტელეფონთან ერთად შეიძინოს ,,დედამიწაზე მზრუნველის“ სტატუსი.
სტრატეგია.
I ეტაპი – ბაზრის მომზადება – ინფორმირება
პროდუქტის შემოსვლამდე უნდა მოხდეს სამიზნე აუდიტორიის ინფორმირება და მომზადება. აქტუალური უნდა გახდეს ეკოლოგიაზე ზრუნვა. გარემოს დაცვა იმ ადამიანთა პრიორიტეტი უნდა გახდეს, ვინც ცხოვრებაში წარმატებას მიაღწია.
ამ იდეის გავრცელება მოხდება სხვადასახვა კუთხით:
სატელევიზიო სიუჟეტები – ტელევიზიის მეშვეობით გავა რამდენიმე სიუჯეტი, რომელთა შინაარსიც შეეხება ალტერნატიულ ენერგიას, მის გამოყენებას საქართველოში.
ბეჭდური პრესა – რომელსაც ჩვენი აუდიტორია იყენებს (მაგალითად, ჟურნალი ,,ბიზნესი“), დაიბეჭდება სტატიები გარემოს დაცვაზე. ეს სტატია უნდა გამოხატავდეს მესიჯს, რომ გარემოზე ზრუნვა წარმატებულთა ხვედირა.
ბლოგები – ფორუმები – სოციალური ქსელები – ეს საშუალებები სრულიად იქნება გამოყენებული ჩვენთვის სასურველი იდეების პროპაგანდირებისათვის.
ვირუსული ვიდეოები – გადაღებული იქნება ვიდეოები – რომელიც ასახავს გარემოს, რომელიც ზიანდება ადამიანის მიერ. ასევე ვიდეოებში უნდა ხაზი გაესვას იმ მესიჯს, რომ გარემოზე ზრუნვა წარმატებულ ადამიანთა ხვედრია. აღნიშნული ვიდეოები გათავსდება ინტერნეტში და გავრცელებულდება.
II ეტაპი
პროდუქტის პრეზენტაციამდე 2 კვირით ადრე ტელევიზიითა და ინტერნეტის მეშვეობით გავრცელდება სარეკლამო რგოლი, რომლის ძირითადი შინაარსიც კვლავ გარემოზე ზრუნვა იქნება. სარეკლამო რგოლებში არ იქნება ნახსენები პროდუქტი. თუმცა რეკლამებს უნდა ჰყავდეს მხოლოდ ორი გმირი – ქალი და კაცი (უცნობი სახეები), რომლების მაღალი საზოგადოების წევრის შთაბეჭდილებას დატოვებენ. ეს გმირები უნდა ასოცირდებოდნენ გარემოზე მზრუნველ წარატებულ ადამიანებად.
პროვოკაციული მერკეტინგ აქცია – სხვადასხვა ღონისძიებებზე, სადაც იკრიბება ჩვენი სამიზნე სეგმენტი, გამოჩნდებიან ეს ქალი და/ან კაცი (რომლებიც სარეკლამო რგოლებში მონაწილეობენ). ამ გმირმა აუცილებლად უნდა მიიქციონ საზოგადოების ყურადღება (მაგალითად, მრავალრიცხოვანი დაცვით, ან მედიის განსაკუთრებული აქტივობით), თუმცა არავინ იცოდეს ვინ არიან. ამ გმირებს ხელში უნდა ეჭიროთ NCIB ტელეფონი და ძალიან აქტიურად იყენებდნენ მას, ისე რომ ტელეფონმა ყურადღება მიიქციოს.
პროდუქტის პრეზენტაცია
პროდუქტის პრეზენტაცია უნდა მოხდეს ბუნებაში – შაბათ ან კვირა დღეს, სადაც მოწვეული სტუმრები შეძლდებენ დასვენებას. ეს შეიძლება იყოს თბილისთან ახლოს მდებარე რომელიმე სასტუმრო (მაგალითად სასტუმრო ,,ლოპოტა“), სადაც დილიდან საღამომდე შეეძლებათ სტუმრებს განტვირთვა და ცხადია პრეზენტაციის მოსმენა.
პრეზენტაციამდე, მოწვეული სტუმრებს მოსაწვევებს უშუალოდ პრომო გოგონები/ბიჭები გადასცემენ. მათ ტანსაცმელზე ან რაიმე აქსესუარზე ექნებათ ჩვენი პროდუქტის ლოგო და მესიჯი, რომლის ძირითადი შინაარსი იქნება, რომ გარემოზე ზრუნვა წარმატებულთა ხვედრია.
პრეზენტაციაზე მოწვეული იქნებიან სხვადასხვა ცნობილი სახეები – პოლიტიკის, ბიზნესის და სხვა სფეროებიდან.
პრეზენტაცია ისე იქნება დაგეგმილი, რომ დამსწრე საზოგადოება მიიღებს მაქსიმალური ინფორმაციას ტელეფონის – როგორც smart phone-ისთვისებებზე, ასევე მის ეკოლოგიურ დანიშნულებაზე.
პროდუქტის ბაზარზე შემოსვლა
პროდუქტის ბაზარზე შემოსვლა პრეზენტაციის შემდეგ ორშაბათ დღეს მოხდება. იმავე დღეს ტელევიზიით გავა სიუჟეტი მისი პრეზენტაციისა და ბაზარზე გასვლის შესახებ. იმავე დღიდან ტელევიზიით გავა რეკლამები იმავე გმირების მონაწილეობით, რომლებიც ეკოლოგიას უწევდნენ პროპაგანდას. ამჯერად მოხდება ტელეფონის რეკლმირება. რეკლამაში გარდა მისი ეკოლოგიური ფუნქციისა ხაზგასმული იქნება თავად ტელეფონის – როგორც საუკეთესო smart phone-ის თვისებები. ასევე რეკლამაში გაჟღერდება ინფორმაცია,რომ ყოველი შეძენილი ტელეფონის საფასურიდან – 3400 ლარიდან 1 ლარი გადაირიცხება სპეციალურ ფონდში, რომელიც რომელიმე კონკრეტულ ეკოლოგიური პრობლემის წინააღმდეგ იქნება მიმართული.
ტელეფონის ბაზარზე გასვლის მეორე დღიდან ფორუმებზე, ბლოგებსა და სოციალურ ქსელებზე დაიწყება ტელეფონის განხილვა, მისი როგორც smart phone-ის და ასევე განხილული იქნება ყოველი წარმატებული ადამიანის სოციალური პასუხისმგებლობა გარემოს მიმართ.
მარკეტინგული აქციები:
ტელეფონის ბაზარზე შემოსვლიდან 2 კვირის შემდეგ დაიწყება სხვადასხვა ტიპის აქციები. შეიქმნება სპეციალური ,,პაკეტები“, რომელსაც NCIB ტელეფონის შეძენის შემთხვევაში მყიდველი მიიღებს საჩუქრად. ეს შეიძლება იყოს როგორც სასაუბრო წუთები, უფასო ინტერნეტი, მოსაწვევი სხვადასხვა ღონისძიებებზე და ა.შ. მსგავსი აქციები 1 თვის განმავლობაში გასტანს.
II სეგმენტი – პირები და ორგანიზაციები, რომლებიც დაკავშირებულნი არიან ეკოლოგიასთან და მოგზაურობასთან
აღნიშნული სეგმენტისთვის ცნობილია ტელეფონის ეკოლოგიური მნიშვნელობა. ხოლო ტელეფონის უნიკალური თვისება – მზის ბატარეა მათთვის პრაქტიკულად გამოყენებადია. ამიტომ ამ სეგმენტთან ურთიერთობის დასამყარებლად შეიძლება გამოყენებული იქნას ბლოგები, ფორუმები, სოციალური ქსელები და ვირუსული ვიდეოები, რათა დარწმუნდნენ რამდენად პრაქტიკულია Sun Shine-ის გამოყენება მოგზაურობის დროს.
პროდუქტის პრეზენტაცია
პრეზენტაციისათვის მოეწყობა 1 დღიანი ლაშქრობა თბილისის რომელიმე ნაკრძალში, სადაც მოხდება პროდუქტის წარდგენა დამსწრე საზოგადოებისთვის. (ეს პრეზენტაცია მოწყობა პირველ სეგმენტისთვის მოწყობილის პარალელურად, იმავე დღეს).
პრეზენტაციაზე მოწვეულნი იქნებაიან სხვადასხვა გარემოს დაცვის ორგანიზაციები და ტურისტული სააგენტოს წარმომადგენლები – რომლებიც აწყობენ ლაშქრობებს. ასევე მოგზაურები.
გაყიდვები:
პროდუქტის ბრეზენტაციის შემდეგ დაიწყება ,,ინდივიდუალური პაკეტების“ შემუშავება ორგანიზაციებისთვის. შეთავაზებული იქნება შეღავათები კორპორატიული შესყიდვების დროს, განვადებები და მათთვის ხელსაყრელი სხვა პირობები.
მთელი მარკეტინგული სტრატეგია ისე უნდა იქნას დაგეგმილი, რომ მომხმარებელს სისტემატიურად მიეწოდებოდეს მის შესახებ ინფორმაცია. შედეგად, NCIB მოდელის Sun Shine ტელეფონი იქნება მუდამ აქტუალური და საინტერესო მომხმარებლისთვის. იმისათვის,რომ შენარჩუნებულ იქნას მისი ,,სტატუსი“ , თვეში ერთხელ უნდა მოეწყოს სხვადასხვა მარკეტინგული აქციები, რომლებიც ,,გარემოზე მზრუნველი ადამიანების“ იმიჯს შეეფერება, რათა მოხდეს ტელეფონის იმიჯის განმტკიცება.
პროდუქტის ტელეფონის პრომოუშენის პარალელურად უნდა მიმდინარეობდეს მონიტორინგი, რომელიც გაუწევს კონტროლს, თუ რამდენად სწორედ მიმდინარეობს პროდუქტის პრომოუშენი.
ანა დაბრუნდაშვილი
Filed under: თქვენი წარმატების გასაღები | Tagged: ანა დაბრუნდაშვილი, ბილაინი, გამარჯვება, გაუ, გაყიდვების სტრატეგია, დასაქმება, კონკურსი, მზის ენერგია, მობილური, ცოდნა, წარმატება, NCIB | Leave a comment »
Ncib's Blog 
